اخر المقالات
فيديو - الرجاء الانتباه :ملاهي نادي نقابة المهندسين بالزمالك - مصر | حلقة رائعة من برنامج ع سطوح بيروت لتكريم وديع الصافي قديس الطرب بحضور العملاق مروان محفوظ | صورة القديس شربل الحقيقية بموافقة دير مار مارون عنايا , وتعتبر صورة عجائبية | وديع الصافي قديس الطرب يرفع قلوبنا للسماء في ابتهال يا رب , سبحت اسمك . | ابتهال يا رب , عمل فني روحاني جديد بغاية الروعة والرقي للمطرب القدير عصام قادري | الفيلم الوثائقي المزار , عن حياة القديس البابا شنودة , للمشاهدة الفورية | ألمعجزة وديع الصافي قديس الطرب في اغنية صائمون من اروع اغاني شهر رمضان | المطرب القدير مصطفى دحلة يغني اغنية رمضان كريم من اغاني شهر رمضان | الموسيقار المبدع علاء بشارة يسحرنا بمعزوفة Dil Yarası التركية . | المطرب القدير جهاد عيلبوني في وصلة طربية باحدى اروع الحفلات في العالم العربي - فيديو | الملائكة , من هم الملائكة ؟ كل المعلومات اللاهوتية عن الملائكة في المسيحية | البابا يعلن قداسة فرانشيسكو وجاسنتا مارتو , أصغر قديسي الكنيسة الكاثوليكية على مرّ التّاريخ |
10/03/2016 - 12:48:50 am
قصيدة شقوا البحور ولادك وغزيوا الزمان : تاليف البروفيسور نجيب بجاني
شقوا البحور ولادك وغزيوا الزمان
كلمات د. نجيب بجاني

لبنان بعدك من المشرق للمغيب
شمس الأدب ساطعه وما رح تغيب
شقوا البحور ولادك وغزيوا الزمان
وزرعوا حروف الهجا بأرض الغريب
قدموس اول من حَمَل حرف الهِجا 
من فينيقيا انبَلَج نور الدُجا
الكون ضَوَّا وعلى أوروبا التَجَا 
يصدح بحرفو متل نغمة عندليب
وبعدو إجوا الكتار عالكون الفسيح
يأسسوا دويلاتهم عا مهَبّ ريح
التاريخ حكي: روّاد صاروا ويستريح
رفعوا أسم لبنان والشرق القريب
مش بس في لبنان.. بأقطار العرب
من الماضي كان أسمن منعَرب
وكلما فيلسوف الشعر مملكتو اغتَرَب 
كلما الممالك طوَّبوا إلهم أديب
وكلما بزغ بالشرق عنا فيلسوف 
وصار بعلومو على العالم يطوف
كلما غَربنا استقبل منهم ألوف 
من هالخساره شرقنا ما رح يطيب
وفي عصرنا العاوز يوصِّل للقديم 
ينقّب عن تواريخ ماضينا العظيم
يبعد عن أمور الزعامه والزعيم 
ويفتح مدارس علم للجوّ العصيب
وبين مقارنة حرب وسكيني
بحكي من فؤادي ومن يقيني
عيشة ضيعتي برفع لواها
بفضّلها على أحسن مديني
وعيشة غربتي قلبي اشتهاها
مضيوا بالتعب فيها سنيني
لا في طايفه بدها وجاها 
ولا نعرة سياسي ولا ضغيني
نظاما فاق عالكون وتباها 
وحقوقا بالتساوي مش مهيني
لكن من عاهات الشعب عاهه 
صارت بالغرب عاهه ثخيني
الكون استقبلها عا بلاها 
وأسم لبنان برفع عا جبيني
إذا سمحِت الصحة بمبتداها 
راجع... يا شباب ويا صبايا
رشوا عا رجوعي الدرب زيني
ويا غُربي لا تشدي بفكر عاتي 
كفاكي تجرجريني عالشماتي
صرلي في حماكي عم بصارع 
خمس عقود جبهة عا سواتي
انا الفي حنيني كنت زارع 
نجاح مأكدو بدمعي وصلاتي
بمراره كنت جول بكل شارع 
تا أوجد شغل أمّن عا ثباتي
اقتحمتِك في عزيمي كالمصارع 
ومتل سبع الوغى كَوّنت ذاتي
وعلى رياحة وطنَّا ركعت ضارع 
عذابو شك في قلبي أماتي
يا ريت بقيت ببلادي مزارع
بسبر غيري وشو ما كان آتي
ولكن، ليش اللا معقول صارع 
عيالي رهن صحتي وألتفاتي
وطنا شكرت، أنا بالشكر بارع 
الأدب من شيمتي حملتو سِيماتي
ضميري حيّ، ما في لزوم شارع 
لكن لو نويتي عا مماتي
أنا راجع، فؤادي بشوق سارع 
سبقني عا بلاد ربيت فيها
تحت أرزاتها كمّل حياتي

بروفسور د. نجيب بجاني

لارسال اخبار ومواد لموقع كفار واي راسلونا عبر البريد الالكتروني kfary.com@gmail.com
الكلمات الدلالية : نجيب بجاني | جامعة المواهب العالمية | بروفسور نجيب بجاني | شقوا البحور ولادك وغزيوا الزمان
الاسم الكامل :
مكان الاقامة :
التعليق :
هام جدا : ادارة الموقع تحتفظ لنفسها الحق لالغاء التعليق او حذف بعض الكلمات منه في حال كانت المشاركة غير اخلاقية ولا تتماشى مع شروط الاستعمال. نرجو منكم الحفاظ على مستوى مشاركة رفيع.
قنوات الموقع
Copyright © Kfary.com 2007-2017 | All Rights Reserved © جميع الحقوق محفوظة لموقع كفار واي
Developed & Designed by Sigma-Space.com | Hosting by Sigma-Hosting.com
X أغلق
X أغلق