اخر المقالات
فيديو : وديع الصافي قديس الطرب يتكلم عن تعاسة الفنان , اكبر فنان هو اتعس الناس | شاهدوا محمد العبد الوهاب موسيقار الاجيال وهو يصف وديع الصافي قديس الطرب | شربل جورج وديع الصافي , حفيد قديس الطرب وديع الصافي يغني ام كلثوم - فيديو | وديع الصافي قديس الطرب يغني بصحبة عوده اغنية نادرة لتونس - فيديو | عصفور صوتك ما انسمع هاليوم , من احدث واروع اغاني قديس الطرب وديع الصافي | كنز خفي تحت الأرض في تركيا عمره 1500 سنة!كنيسة محفورة في الصخر, شاهدوا الصور. | مؤسس علي بابا يتنبّأ | فيديو - الرجاء الانتباه :ملاهي نادي نقابة المهندسين بالزمالك - مصر | حلقة رائعة من برنامج ع سطوح بيروت لتكريم وديع الصافي قديس الطرب بحضور العملاق مروان محفوظ | صورة القديس شربل الحقيقية بموافقة دير مار مارون عنايا , وتعتبر صورة عجائبية | وديع الصافي قديس الطرب يرفع قلوبنا للسماء في ابتهال يا رب , سبحت اسمك . | ابتهال يا رب , عمل فني روحاني جديد بغاية الروعة والرقي للمطرب القدير عصام قادري |
27/04/2017 - 02:08:57 am
عن بطش وظلم جيش الانقاذ لابناء قرية عيلبون في الاراضي المقدسة سنة 1948

عن بطش وظلم جيش الانقاذ لابناء قرية عيلبون في الاراضي المقدسة سنة 1948 - قصة ظلم جيش الانقاذ العربي للمطرب داوود عيلبوني وابناء عيلبون. الجزء الاول .
الاحداث سنة 1948 ... : تمتما مكما رواها المطرب داوود عيلبوني .

" الجيش العربي ( جيش الانقاذ) اللي كان هون كان مقسم لمجموعات مفرقين , مجموعة وين المنطقة الصناعية (عيلبون) وهدول كان بدهن كل يوم ناس يوزعولهن اكل ,ييجي جيش الانقاذ هاد يقول انه اليوم الدور على فلان , وهو يدور يوزعلهن اكل , مكنش جيش النقاذ يحترم حدا , كانوا يجلدوا ويهينوا الناس اللي بتوزعلهن اكل وجلدوا كثير زلام من عيلبون , زلام اللي كانوا محترمين , وكانوا الزلام يتخبوا لما ييجوا ينقوهن لتوزيع الاكل , ومرة اجا الدور على ابوي "امطانس عيلبوني " انه يودي الاكل بالليل , اجا ابوي اتخبى خاف انهن يهينوه ويبهدلوه , بالاخر سالوني :
- وين ابوك ؟
- ابوي مش هون , بعرفش وينو .
- طيب تعال انت ودي الاكل محلله , وانا كنت ولد ابن سبعة , سبعة سنين ونص .
- شو انا ؟
- مبلا انت يللا تعال ودي الاكل .
- رحت انا , كنا نودي الاكل عالحمير , ولما بديت اعبي الاكل بالطناجر وعالحمار بدي الجيش الاسرائيلي يضرب على عيلبون وعلى جيش الانقاذ , حملت انا الاكل وقلتلهن اني بخاف اطلع لحالي وهني هيك يطخوا , فبعثوا معاي جندي , وطلعنا مشي , بنص الطريق حوطتنا القنابل من كل الجهات , وانا بديت ابكي وقلتله بدي ارجع عالبيت , مقبلش وقلي كمل عالسكت , ضليتني ابكي واترجى فيو يخليني ارجع , اجا ضربني كف بعده لليوم بوجعني , وبعد هذا الكف انجبرت اكمل وكملت معه , بعد شوي قاللي انا راح اتركك اسا لاني لازم اروح ادافع عن مجموعتنا , وانت كمل طريقك ووصل الاكل وين هداك البدوي (في المنطقة الصناعية عيلبون )وهو راح يركض وانا كملت , وللا قنبلة فاقعة مش بعيدة عني , فقمت انا قطعت الحبل وكبيت الاكل عن الحمار وضليت نازل ركاض عالبيت .
كان عنا عقد ولقيت البيت عنا ملان , كل الجيران عنا وكل الناس تتخبى بالطابق الاول خوفا من الصواريخ والقنابل , سالني ابوي :
- مالك هيك بتلهث ؟
-حكيتله اللي صار معي واني ما وديتش الاكل .
-ابوي : يا ويلك من الله !
- بذبحونا بذبحوناش مش فارقة معي , هذا اللي صار وفتت عالبيت .

الولد بالقصة هو المطرب داوود عيلبوني "ابو هشام".
من كتاب سنذكر قصصكم ما حيينا الذي اصدره ابناء عيلبون سنة 2016 .
بقلم : ميس عيلبوني , شادن صليح , مجد عيلبوني.



عن بطش وظلم جيش الانقاذ لابناء قرية عيلبون في الاراضي المقدسة سنة 1948
لارسال اخبار ومواد لموقع كفار واي راسلونا عبر البريد الالكتروني kfary.com@gmail.com
الكلمات الدلالية : عن بطش وظلم جيش الانقاذ لابناء قرية عيلبون في الاراضي المقدسة سنة 1948
الاسم الكامل :
مكان الاقامة :
التعليق :
هام جدا : ادارة الموقع تحتفظ لنفسها الحق لالغاء التعليق او حذف بعض الكلمات منه في حال كانت المشاركة غير اخلاقية ولا تتماشى مع شروط الاستعمال. نرجو منكم الحفاظ على مستوى مشاركة رفيع.
1. سمير ابو فارس -
27/04/2017 - 09:35:35 am
فكرك مين الي ساعد اليهود غير جيش الإنقاذ وعصابات ابو دره خوفو العرب من اليهود وضلموهن
قنوات الموقع
Copyright © Kfary.com 2007-2017 | All Rights Reserved © جميع الحقوق محفوظة لموقع كفار واي
Developed & Designed by Sigma-Space.com | Hosting by Sigma-Hosting.com
X أغلق
X أغلق