وديع الصافي قديس الطرب في اغنية نادرة بعنوان "صارلي عمر" , وكعادته كل كلمة ينغمها تصور مشهد كامل ,
وتؤكد على ان وديع الصافي معجزة الهية , ومعجزة فنية لم ولن تتكرر بدون تدخل الهي واضح ...


صارلي عمر هالباب ما دقيت
ولا تصبحو عيوني ولا تمسيت
ياما فتحلي الحب درفاته
ويقول اهلا كل ما طليت

من بعد غيبة ست سبع سنين
دقيت باب البيت عالحلوين
لا سمعت خلف الباب كلمة مين
ولا الباب قاللي وين اهل البيت

والوردة الكانت على الشباك
قالت صبايا بعدنا لولاك
شو باك صارلك عمر ما شفناك
ردو دموعي قبل ما رديت

موال :
ولما لاقيت الدار صار حجار
وما في حدا برد ع الزوار
حطيت قلبي حد باب الدار
ولميت اخر جرح وتمشيت

صارلي عمر هالباب ما دقيت
ولا تصبحو عيوني ولا تمسيت
ياما فتحلي الحب درفاته
ويقول اهلا كل ما طليت

https://www.facebook.com/wwwkfarycom